Keyingi sapar etiw institut Málimleme-resurs orayı boldı

  Sapar dawamında Rhodes College wákilleri tárepinen institut kitapxanasına ekologiya, biologiyalıq hár túrlilik hám haywanat dúnyasına baylanıslı ulıwma bahası 10 mıń AQSh dollarına teń bolǵan 11 dana enciklopediyalıq ilimiy ádebiyat sawǵa etildi. Bul kitaplar studentler hám izertlewshiler ushın áhmiyetli ilimiy dárek bolıp xızmet etedi. Bul kitaplar ekologiya hám awıl xojalıǵı baǵdarlarında bilim alıp atırǵan studentler, magistrantlar hám ilimiy izertlewshiler ushın áhmiyetli dárek bolıp xızmet etedi.   Sawǵa etilgen ádebiyatlardıń quramınan xalıqaralıq ilimiy izertlewler, aldınǵı ekologiyalıq qatnaslar, turaqlı rawajlanıw principleri, tábiyǵıy ekosistemalardı qorǵaw hám ekologiyalıq mashqalalardı saplastırıwǵa qaratılǵan ámeliy usınıslar orın alǵan. Bul basılımlar studentlerdiń teoriyalıq bilimlerin jáne de bekkemlew, ilimiy izleniwler kólemin keńeytiw hám sırt el tájiriybelerin tereń úyreniw imkaniyatların jaratadı. Sonday-aq, usı kitaplar fondınıń bayıtılıwı institut kitapxanasınıń ilimiy potencialın arttırıwǵa xızmet etip, jaslardıń ekologiyalıq mádeniyatın arttırıw, qorshaǵan ortalıqqa juwapkershilikli qatnastı qáliplestiriw hám xalıqaralıq akademiyalıq birge islesiwdi rawajlandırıw jolındaǵı áhmiyetli qádemlerden biri boldı.