Studentlerdiń bilim sheńberin keńeytiwge xızmet etetuǵın kitaplar sawǵa etildi

 Qaraqalpaqstan awıl xojalıǵı hám agrotexnologiyalar institutında "Áhmiyetli 90 kún" joybarı sheńberinde ruwxıy-aǵartıwshılıq baslama ámelge asırıldı. Instituttıń professor-oqıtıwshıları ózleriniń avtorlıǵındaǵı jańa oqıw ádebiyatların hám jeke kitapxanalarınan kórkem ádebiyatlardı student jaslarǵa sawǵa etti.

 Bul baslamanıń tiykarǵı maqseti - jaslardı ilimiy hám kórkem ádebiyatlar arqalı keń dúnyaqarasqa ie, kitapqumarlıqqa mehir qoyǵan shaxslar etip tárbiyalaw bolıp esaplanadı. Ilaj dawamında professor-oqıtıwshılar kitapqumarlıqtıń insan ruwxıy dúnyası hám tálim-tárbiya procesindegi áhmietin atap ótti.

 Studentlerge usınılǵan oqıw hám kórkem ádebiyatlar olardıń bilim sheńberin jáne de bayıtıwǵa, erkin bilim alıwǵa keń imkaniyat jaratadı. Bul baslama institutta kitapqumarlıq mádeniyatın úgit-násiyatlawdıń ámeliy kórinisine aylandı.