Ózbekstan Respublikası Awıl xojalıǵı ministrligi Respublikalıq ilimiy Awıl xojalıǵı kitapxanası hám Tashkent mámleketlik agrar universiteti menen birgelikte 21-may “Kitapxanashılar kúni” múnásibeti menen “Jańa Ózbekstanda kitapqa mehir – kitapxanashıǵa húrmet” atamasında Respublikalıq ilimiy-ámeliy konferenciya bolıp ótti.
Ótkerilgen ilimiy-ámeliy ánjumanda onlayn túrde zoom platformasınan Qaraqalpaqstan awıl xojalıǵı hám agrotexnologiyalar institutı rektorı B.Jollibekov basshılıǵında institutımız prorektorları, málimleme-resurs orayı jámááti hám bir qatar professor-oqıtıwshılar qatnastı. Ilimiy-ámeliy konferenciyanı Awıl xojalıǵı ministriniń keńesgóyi E.Abdualimov kiris sóz benen ashtı hám búgingi kúnde Respublikamızda 12 mıńnan aslam málimleme-kitapxana mákemesi bar. Awıl xojalıǵı ministrligi sistemasındaǵı Respublikalıq ilimiy awıl xojalıǵı kitapxanası, 9 joqarı bilimlendiriw mákemesi jáne 21 ilimiy-izertlew mákemesinde de málimleme-resurs orayları jumıs alıp baradı. Búgingi seminar jumısına hám barlıq kitapxanashılarımızdıń jumıslarına tabıs, mashaqatlı miynetlerine áwmet tileymen,” – dedi ministrdiń keńesgóyi óziniń kiris sózinde. Ilimiy-ámeliy konferenciya juwmaqlanǵannan soń institutımız rektorı shıǵıp sóylep búgingi kúnde kitapxanamızda ayanbay miynet etip atırǵan kitapxanashılarımızdı búgingi bayram menen qutlıqlap olardıń institutımızda kitapqumarlıqtı arttırıw jolındaǵı xızmetlerin joqarı bahalaytuǵınlıǵın ayrıqsha atap ótti. Hár bir shın kewilden islengen jumıs joqarı bahalanadı, sonnlıqtan institutımız tárepinen kitapxanashılarımızǵa materiallıq sawǵalar menen bir qatarda Alǵısnama menen sıylıqlandı.
