Ózbekstan Respublikası Prezidenti Administraciyası janındaǵı málimleme hám ǵalaba kommunikaciyalar agentliginiń 2025-jıl 11-apreldegi 3-sanlı “Ózbekstan-kitapqumarlar mákanı” uranı astında V Respublikalıq “Kitapqumarlar hápteligi”n ótkeriw haqqındaǵı qararınıń orınlanıwın támiyinlew maqsetinde bul háptelik institutımızda keń túrde ótkerilmekte.   Ilajǵa Jaslar menen islesiw, ruwxıylıq hám aǵartıwshılıq isleri boyınsha birinshi prorektor M.Davletmuratov, málimleme-resurs orayınıń baslıǵı U.Amanjolova, jaslar awqamınıń jetekshisi M.Mambetov, dekan orınbasarı, tyutor hám student jaslar qatnastı.   Ilajda málimleme-resurs orayınıń baslıǵı U. Amanjolova shıǵıp sóylep, bul ilajdı ótkeriw arqalı jaslarǵa “Kitapqumarlıq hápteligi”niń milliy ideyasın ámelge asırıw, jaslar arasında kitapqumarlıq mádeniyatın rawajlandırıw, kitapqumarlıqqa keńnen tartıw, olardıń sabaqtan bos waqıtların mazmunlı ótkeriw, sóz baylıǵın keńeytiw, sociallıq belsendiligin, Watanımızǵa bolǵan húrmetin arttırıwdan ibarat. Sonday-aq, ózbek, qaraqalpaq jáhán ádebiyatınıń dúrdanaları menen keńnen tanıstırıp ótti.   Onnan soń institutimizdiń birinshi prorektorı M.Dáuletmuratov hám Jaslar awqamı jaslar jetekshisi: M.Mámbetovlar shıǵıp sóylep qatnasıwshılarǵa insan ómirinde kitaptıń ornı hám óz ómir jollarında bul ádebiy hám qánigelik kitaplardı oqıw qanshelli payda bolǵanlıǵı haqqında turmıslıq mısallar keltirip ótiw menen birge óz pikir usınısları menen bólisti. Maǵlıwmat ornında institutımızdıń kitap fondı usı jıldıń basınan 205 atamadaǵı 1000 nan aslam ádebiy kitaplar menen bayıtıldı.Sonnan: “Ózbekstan jazıwshılar awqamı” tárepinen 82 atamadaǵı 500 dana kitap sawǵa etildi.Institutimiz tárepinen 123 atamadaǵı 414 dana toltırıldı.